Klubet e Premier League në radhë për të nënshkruar me Eriksen

11:16 | 16 Janar 2022
Lorik Gerbeshi

Ish-mesfushori i Tottenham, Christian Eriksen është në bisedime për një rikthim në Premier League.

Erkisen nuk ka luajtur që kur pësoi një atak kardial ndërsa përfaqësonte Danimarkën kundër Finlandës në EURO 2020 verën e kaluar.

Ai është një lojtar i lirë pasi kontrata e tij me Iinterin u ndërpre për shkak të moslejimit për të luajtur në Serie A me një defibrilator në zemrën e lojtarëve.

“The Times” raporton se 29-vjeçari është kontaktuar nga disa klue të paidentifikuara të Premier League dhe mund të vulosë një rikthim në Angli këtë javë.

Për Eriksen ka interesim edhe nga klube nga mbarë Evropa, por ai është i etur për një rikthim në Angli.

Eriksen luajti për Tottenhamin midis 2013 dhe 2020, gjatë së cilës ai bëri 305 paraqitje, shënoi 69 gola dhe dhuroi 90 asistime.

Ai ka kaluar kohë duke u stërvitur me klubin zviceran Chiasso dhe më parë është stërvitur me Odensen, ku ka luajtur si i ri./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm